آنا دیلی نین ناغیلی

او گون مكتبه گئج يئتيشيرديم و اؤيرتمنين آجيقلانما قورخوسوندا قالميشديم؛ اؤزلليكله اؤيرتمن قرامر
سوروشماغا سؤز وئرميشدي، آنجاق من هئچ بير سؤزده اوندان اؤيرنه بيلمه ميشديم. اؤزوم ايله دئديم : مكتبي
بوراخاراق چؤللوگه گئديم. هاوا ايستي و اورگه ياتان ايدي و قوشلار اورماندا اوخويوردولار. بونلار مني قرامردن
چوخ اؤزونه چكيرديلر، آنجاق بو توولانت ينين قاباغيندا داياناراق مكتب يولونا دوشدوم. كدخودانين ائوي نين
قاباغيندان كئچه رك اورادا دوروب ديواردا اولان بيلديريشي اوخويان جمعيتي گؤردوم. ايكي ايل دير كنده يئتيشن
خبرلر بورادان ياييليرديلار. اونا گؤره من اورادا دايانمادان، اؤزومله فيكيرلشديم، "گؤره سن يئنه بيزه نه يوخو
گؤروبلر؟" تلسه- تلسه مكتب يولونو توتوب، اؤزومو مكتبه يئتيرديم.
هر گون درسين باشلانيشيندا، اؤيرنجي لرين سالديغي سسي اوزاقلاردان ائشيتمك اولاردي، اوجا سس ايله
دئييلن درسي اونلاردا اوجادان دئييب، سسله نيرديلر. اؤيرتمن ده آغاجيني ميزه ووراراق "سوسون، سس ائله مه يين"
دئيردي.
او گون مکتبین گونده لیک دورومونو یادا سالاراق اوزومله دئدیم:"اویرنجی لرین سس ینین ایچینده کیلاسا کئچیب اوز یئریمده اوتورارام ,هئچ کیم منیم گئج قالماغیمی بیلمز."   آنجاق او گون اؤيرنج يلر اورادا اولمايان كيمي ؛
سس سيز ايديلر
پنجره دن كيلاسا باخديم، هامي اؤز يئرينده اَيلشميشدي، اؤيرتمن ده آغاج اَلينده كيلاسي آتديملاييردي.
سس سيزليگين ايچري سينده قاپيني آچيب ايچري كئچمگيم گرك ايدي.
بو ايشدن نه قدر قورخدوغومو و اوتانديغيمي دئيه بيلمه رم. قاپيني آچيب ايچريه كئچديم؛ آنجاق اؤيرتمن
آجيقلانماياراق ايستكلي باخيشلا منه باخيب، محبتله دئدي : "تئز كئچ يئرينده ايلش، آز قاليردي درسي سنسيز
باشلايام."
دايانمادان كئچديم اؤز يئريمده اوتوردوم. بو حالدا گؤردوم اؤيرتمن گونده ليك اسكي پالتارين گئيمه ييب.
جايزه وئريلن گونلر و هابئله بازرس گلن گونلر گئيديگي پالتاري گئيميشدير. كيلاسا رسمي چاغلاردا اولان دوروم
حاكيم ايدي. آنجاق مني هر نه دن چوخ تعجوبده ساخلايان كيلاسين سونوندا اوتوران كدخودا، پوست خانا مامورو و
كندين آدليم اَردملري ايديلر، هاميسي سولموش و اورگي اؤلموشلره بنزه ييرديلر. الينده بير اسكي اليفبا كيتابي
اولان و گؤزلوگون داليندان اونون فونملر و خطلرينه باخان قوجا كيشي داها آرتيق منه تعجوبلو گليردي.
من بو دورومدان حئيرته باتميشديم، اؤيرتمن اؤز يئرينده اوتوراراق ايستي و ايستكلي سسي ايله دئدي : "
اوشاقلار! بو منيم سيزه درس دئمگيمين سونودور. دوشمانلار دئييبلر : بوندان سونرا بو ماحالين مكتبلرينده يالنيز
اونلارين ديلي درس دئييلسين. يئني اؤيرتمن گلن گون گله جك و بو سيزين ميلي ديليزين سون درسي دير.
خواهيش ائديرم، بو گونكو درسه دوزگون قولاق وئرين."
بو سؤزلر مني آغير دوروما سالدي. كدخودا ديواريندا اولان بيلديريش دئمك بو سؤزلري دوشوندورور؛ "بوندان
سونرا كند اوشاقلارينا ميلي ديللرين اؤيرتمك ياساق دير."
بو منيم سون ميلي درسيم ايدي. بوندان سونرا من اونون اؤيرنم همك مجبوريتينده ايديم و آز بيلمگيمه قناعت
ائتمه لي ايديم. زاماني الدن وئريب داغا باغا گئتمگيمه و عؤمرومو اويناماقلا كئچيرتمگيمه گؤره اؤزومو
هده له ييرديم. ايندييه دك اوخوماغي چتين گلن كيتابلار ايندي منه اسكي يولداشلار كيمي اولموشدولار. اونلاردان
آيريلماق منه چوخ چتين گليردي. اؤيرتمن ده او كيتابلار كيمي. اؤيرتمنين صاباح گئتمه سي و بوندان سونرا اونو
گؤره بيلمه ديگيم اونون بوتون آجي خاطير ه لر و تنبيه لريني منيم ايچريمده شيرينليگه چئويردي. اونون يئني پالتار
گئيمگين و كندين آ غساققاللارين بورادا اولدوغونو داها باشا دوشوردوم. بيرجه يول مكتبه گلمه ديكلرينه گؤره
اؤزلرينه تاسوف ائتمكلري بيلينيردي.
مني آدلا سسله ينده بو فيكيرلرده بوغولموشدوم؛ گرك دوروب جاواب وئره يديم. راضي ايديم بوتون وارليغيمي
وئرم آنجاق قرامر درسين اوجا سسله ازبردن اوخويام آنجاق هئچ جاواب وئره بيلمه ديم و اوتانديغيمدان قالخيزا
بيلمه ديم.
اؤيرتمنين سسين ائشيديرديم، "اوغول! من سني تنبيه ائتمه يه جگم چونكي بو اولايدان دويونجاق تنبيه اولوبسان.
اينسان اؤزونه دئيير زامان هله واردير، درسي اؤيرنه جگم. آنجاق گؤرورسونوز نه لر اولور. تاسوفلر اولسون، بيز
اؤيرنمگي باشقا گونه آتيريق. ايندي زورلا بيزه غلبه چالان ميلتين حاقي واردير بيزلري دانلاسينلار و دئسينلر : سيز
نئجه دئييرسيز اؤزگور و باغيمسيز بير ميلت سيز آنجاق اؤز ديلينيزي يازيب اوخويا بيلميرسيز؟ بونلارا باخماياراق
اوغول تكجه سن بو ايشه دير وئرمه ين دئييلسن، هامي ميزين دانلاماغي گركلي دير. آتا- آنالاريز سيزين
يوكسليشيز اوچون دوزگون ايشلر گؤرمه ييبلر و سيزي چوخ پولو اولان ايشين دالينجا گؤندريبلر. من اؤزوم
دانلانماغا لاييق دئييلم مي؟ سيزه درس وئرمك يئرينه، اؤز باغيمي سيزه سووارتماميشا ممي؟ اووچولوق اورگيمه
دوشن چاغ سيزي ايشيزين دالينجا يوللاماميشام مي؟"
اؤيرتمن هر نه دن دانيشاركن، سؤزو ميلي ديله چكيب دئدي : "بيزيم ديليميز دونيانين اَن گوجلو و زنگين
ديللريندندير و بو ديلين قوروماسي و اونوتماماسي بيزه گركلي دير. بير ميلت دوشمان ايسارتينده اولاراق اؤز ديلين
قوروسا سانكي اؤز دوستاغ ينين آچاري الينده دير."
سونرا كيتابي گؤتوره رك قرامردن بير درس اوخوماغا باشلادي. او گونون درسين راحاتليقلا آنلاماقدان اؤزوم
تعجوب ائديرديم. هر نه دئييردي سانكي جانيما اوتوروردو. او چاغا دك او قدر ماراقلا درسه قولاق آسماميشديم.
اؤيرتمن ده او جور ديقتله درس دئمه ميشدير. بو سئويملي كيشي بوتون بيلگي سين بيزه اؤيرتمك ايسته ييردي.
درس باشا چاتاركن يازماق چاغي اولدو. اؤيرتمن بيزه يئني يازمالار حاضيرلاميشدي، اونلارين باشيندا "وطن،
آتا- بابالار يوردو، ميلي ديل" سؤزلري گؤزه چارپيردي. ميزلردن آسلانميش يازيلار، ميللي بايراغيميزين كيلاسين
دؤرد بوجاغيندا يوكسلمه سينه بنزه ييردي. ديله گلمز شكيلده، اؤيرنج يلر يازيلاري يازماقدا چاليشيرديلار و
بوسبوتون سوسموشدولار. كيلاسدان يالنيز قلمين كاغاذ اوستده آخما سسي ائشيديليردي.
مكتبين داميندا بولبوللر اوخويوردولار. اونلاري دينله يه - دينله يه اؤزومله فيكيرلشيرديم، گؤره سن اونلاري دا
مجبور ائده جكلر اوخوماقلارين اؤزگه ديلده اوخوسونلار؟
يازيمين اوستوندن باش قالديرديم. اؤيرتمن سوزگون باخيشي ايله چئوره سينه باخيردي سانكي بوتون مكتبده
اولان شئيلرين رسميني ايچري سينه دولدورماق ايسته ييردي.
فيكيرلشين! بو مكتبده ياشاماغيندان و درس دئمگيندن قيرخ ايل كئچيردي. بو ايللرده ميزلر كؤهنه ليب،
بويالاري گئتميشدير. باغدا اكديگي فيدانلارين هره سي قوجامان بير آغاج اولموشدولار. بونلاري نئجه قويوب گئده
بيلردي. اؤيرتمن ايندي گرك مكتبله ويداعلاشاركن وطن تورپاغي ايله ده ويداعلاشايدي.
اؤيرتمن قاني سويوقلوق و اورك گوجو ايله درسي سونا چاتديردي. يازيلاريميزي يازاندان سونرا تاريخ
درسيندن ده اوخودوق. سونرا اؤيرنجي لر درسلري بير داها اوجا سسله اوخودولار. كيتابي آچيب ديزلري اوستده
قويان قوجامان كيشي ده اوشاقلارلا سس- سسه وئريب درسلري اوخويوردو. اونون سسي بيزده گوله- گوله
آغلاماق دويغوسون ياراتميشدي. تاسوفلر اولسون! تكجه بو سون گونون درسي اورگيمده قالارلي اولاجاقدير.
گون اورتا اولموشدور داها درس واختي باشا چاتميشدير. دوشمان اوردوسونون زورنا سسي كوچه ده
گوپله ييردي. اؤيرتمن اؤز يئريندن دوردو؛ او گونه دك اؤيرتمن گؤزومده ائله هئيبتلي گؤرونمه ميشدي. دئدي :
"يولداشلار، اوشاقلار، من .... من ...." .
غم بوغازيني سيخيردي. سؤزون قورتارا بيلمه دي. اوزون دؤندردي و بير سينيق گج گؤتوروب اَسن اللريله بورد
دا بؤيوك يازدي : "ياشاسين وطن!" ديوارا داياندي؛ سونرا محزون سسي ايله دئدي : "قورتاردي. گئدين، تانري
سيزي ساخلاسين."